Sumqayıtda altı avtomobilin iştirakı ilə zəncirvari qəza baş verib

Sumqayıt şəhərində altı avtomobilin iştirakı ilə zəncirvari yol-nəqliyyat hadisəsi baş verib.

Sonxeber.az “Report”a istinadən xəbər verir ki, hadisə şəhərin Sülh prospektində qeydə alınıb.

İlkin məlumata görə, qəza zamanı iki “Opel”, “Toyota Prius”, VAZ-2104, “Changan” və “BMW” markalı minik avtomobilləri toqquşub. Qəzaya səbəb kimi sürücülər tərəfindən ara məsafəsinin gözlənilməməsi göstərilir.

Faktla bağlı aidiyyəti qurumlar tərəfindən araşdırma aparılır.

Mənbə: https://sonxeber.az/384464/sumqayitda-alti-avtomobilin-istiraki-ile-zencirvari-qeza-bas-verib