Səfəvilərin İranda tikdirdiyi “Gülüstan” sarayı dağıldı – Fotolar

ABŞ və İsrailin İrana birgə aviazərbələri zamanı Tehranda yerləşən tarixi “Gülüstan” sarayına ciddi zərər dəyib.

Axşam.az xəbər verir ki, bu barədə İran hökuməti sosial mediada paylaşım edib.

Bildirilib ki, aviazərbələr nəticəsində “Gülüstan” sarayına ciddi ziyan dəyib.

Qeyd edək ki, saray XVI əsrdə Səfəvi şahı I Təhmasib tərəfindən tikdirilib və Qacarlar sülaləsi tərəfindən iqamətgah kimi istifadə olunub. Pəhləvilər sülaləsi zamanında mərasimlərdə istifadə olunan saray hazırda muzey kimi fəaliyyət göstərir. “Gülüstan” sarayı 2013-cü ildə UNESCO-nun maddi-mədəni irs siyahısına daxil edilib.

Mənbə: https://sonxeber.az/389281/sefevilerin-iranda-tikdirdiyi-gulustan-sarayi-dagildi-fotolar