“İftar menyusu”nda bu gün
Ərzaqlar:
3 orta ölçülü kartof (doğranmış)
1 baş soğan
2 diş sarımsaq
1 xörək qaşığı kərə yağı + 1 xörək qaşığı bitki yağı
1 xörək qaşığı un
5-6 ispanaq yarpağı, keşniş (doğranmış)
Yarım dəstə təzə şüyüd və cəfəri
5-6 stəkan isti su və ya toyuq bulyonu
Duz, istiot
İstəyə görə – 1 çay stəkanı qaymaq və ya süd
Hazırlanması:
Kərə yağı və bitki yağını bir qazana tökün. Doğranmış soğan və sarımsağı şəffaflaşana qədər qovurun. Unu əlavə edin və ətiri çıxana qədər 1-2 dəqiqə daha qovurmağa davam edin. Doğranmış kartofu qazana əlavə edin. İsti su (və ya toyuq bulyonu) tökün. Kartof yumşalana qədər təxminən 15-20 dəqiqə bişirin. Doğranmış ispanağı, şüyüdü, keşniş və cəfərini əlavə edin. Göyərtilər solana qədər daha 5 dəqiqə vam odda bişirin. Şorbanı çoxlu qarışdırın. Duz, istiot və istəyə bağlı qaymaq əlavə edin, yenidən qaynadın və isti şəkildə süfrəyə verin. İstəsəniz blıenderdən keçirə bilərsiniz.
Ərzaqlar:
500 q qabığı soyulmuş təzə noxud
100-150 q qiymə
1 soğan
2 kartof
1 yerkökü
1 pomidor
1 xörək qaşığı tomat pastası
3-4 xörək qaşığı bitki yağı
Duz, istiot zövqə görə
Hazırlanması:
Noxudu qabıqlarından çıxarın, yuyun və süzün. Dərin bir qazanda yağı qızdırın, qiyməni əlavə edin və qızarana qədər qovurun. Soğanı əlavə edin və yumşalana qədər qovurun. Tomat pastasını töküb bişirin. Doğranmış pomidorları töküb qarışdırın. Noxudu və dilimlənmiş yerkökünü əlavə edin və bir neçə dəqiqə daha qovurun. Üzərinə su tökün. Noxud demək olar ki, yumşalana qədər aşağı-orta odda bişirin. Kartofları əlavə edin və yumşalana qədər bişirməyə davam edin. Duz, istiot töküb süfrəyə verin.
Ərzaqlar:
Limonlu krem üçün:
3 yumurta
3 limon
1/2 stəkan şəkər tozu
2 xörək qaşığı kərə yağı
Peçenye üçün:
2 yumurta
1/2 stəkan bitki yağı
1 limonun suyu
1 limonun qabığı (sürtgəcdən keçirilmiş)
1 xörək qaşığı şəkər tozu
2 stəkan un
1 paket qabartma tozu
Üzü üçün:
2 dolu xörək qaşığı şəkər tozu
Hazırlanması:
Limon kremi üçün yuyulmuş və qurudulmuş limonların sarı qabığını sürtgəcin incə tərəfindən keçirin və suyunu sıxın. Bir qazanda yumurta və şəkəri düyün olmayana qədər qarışdırın. Limon qabığını və limon suyunu əlavə edib çalın. Kərə yağını töküb, sobaya qoyun. Qatılaşana qədər vam odda davamlı qarışdıraraq bişirin. Kremi incə ələkdən süzün. Tamamilə soyuyana qədər tez-tez qarışdıraraq qabıq əmələ gəlməsinin qarşısını alın. Peçenye üçün dərin bir qabda yumurta, bitki yağı, limon suyu, limon qabığı, şəkər tozu və qabartma tozunu qarışdırın. Unu tədricən əlavə edin və peçenye xəmiri ilə tort xəmiri arasında bir yerdə toxunuşa yapışqan bir xəmir əldə edənə qədər yoğurun. İki çay qaşığı istifadə edərək, kiçik xəmir parçaları götürün, onları şəkər tozuna atın və tamamilə örtülənə qədər yaxşıca yuvarlayın. Peçenyeləri soba qabına düzün. Hər peçenyenin ortasına kiçik bir qapaqla basıb, oyuq açın. Qabı sobaya qoyun və əvvəlcədən qızdırılmış sobada 170 dərəcədə tam çatlayana qədər bişirin. Sobadan çıxarın və soyumağa qoyun. Hər soyudulmuş peçenyenin ortasına bir çay qaşığı limon kremi qoyun. Doğranmış püstə və qızılgül ləçəkləri ilə bəzəyə bilərsiniz.
