Fövqəladə Hallar Nazirliyorun Xəbərdarlığı: Yanğın Təhlükəsizliyi Qurallarına Dair Yenə Təkrar Müraciət

Sonxeber.az xəbər verir ki, Fövqəladə Hallar Nazirliyi Yeni il bayramı ilə əlaqədar yenə təkrar əhaliyə müraciət edib.

Müraciətdə deyilir:

“Yeni il bayramı ilə əlaqədar insanların kütləvi şəkildə müxtəlif məkanlarda, o cümlədən restoran və şənlik zallarında, evlərdə toplanması, bayramın əsas simvolu olan küknar ağaclarının quraşdırılaraq işıqlandırılması və digər hallar yanğın təhlükəsini artırır. Bu zaman kiçik ehtiyatsızlıq və ya diqqətsizlik bayram ab-havasının pozulmasına, acı nəticələrə gətirib çıxara bilər.

Qeyd olunanları nəzərə alaraq Fövqəladə Hallar Nazirliyi yenə əhaliyə müraciət edərək Yeni il bayramı ilə əlaqədar keçirilən mərasimlərdə yanğın təhlükəsizliyi qaydalarına ciddi riayət etməyə çağırır. Belə ki,

– evlərdə və şənlik məkanlarında bəzədilən küknar ağacı yerə möhkəm bərkidilməli, ağacın budaqları tavana və divarlara toxunmamalıdır.

– işıqlandırmada saz və standarta uyğun elektrik qurğu və cihazından istifadə edilməli, bunlara nəzarətsiz qoyulmamalıdır.

– pirotexniki vasitələrdən istifadə edilməməlidir.

Həmçinin, bir daha xatırladırırıq ki, bayram şənliyinin təşkili üçün seçilən məkanlar müvafiq yanğın təhlükəsizliyi qaydalarının tələblərinə cavab verməlidir.

Unutmayın: Qaydalara biganəlik – həyatımıza təhlükədir!”

Mənbə: https://sonxeber.az/384193/fhn-den-ehaliye-tekrar-xeberdarliq