Daha bir dövlət Qüdsdə səfirlik açacaq

Kiçik ada dövləti Samoa Qüdsdə səfirlik açmaq planlarını elan edib.

Oxu.Az “Doqquzuncu kanal”a istinadən xəbər verir ki, bu barədə ölkənin Baş naziri Laauli Leuatea Şmidt bildirib.

O, dövlət departamentinə cari il ərzində İsrailin paytaxtında nümayəndəliyin açılması üçün hazırlıqlara başlamaq barədə tapşırıq verib.

Baş nazir qeyd edib ki, ölkəsi İsraili diplomatik, dini və mədəni baxımdan birmənalı olaraq dəstəkləyir.

Xatırladaq ki, hazırda Qüdsdə şəhəri İsrailin paytaxtı kimi tanıyan və ya diplomatik missiyalarını oraya köçürən bir neçə ölkənin səfirliyi fəaliyyət göstərir.

Bunların arasında ABŞ, Honduras, Qvatemala, Kosovo, Papua-Yeni Qvineya, Paraqvay və Fici var.

Mənbə: https://sonxeber.az/385053/daha-bir-dovlet-qudsde-sefirlik-acacaq