Borc istədiyi tanışını sonradan talamaqda şübhəli bilinən şəxs saxlanılıb

Bakının Nəsimi rayonunda borc istədiyi tanışını sonradan talamaqda şübhəli bilinən şəxs saxlanılıb.

Bu barədə Sonxeber.az-a Daxili İşlər Nazirliyindən məlumat verilib.

Bildirilib ki, bir nəfər polisə müraciət edərək parkların birində tanışı tərəfindən ona fiziki zor tətbiq edilərək 106 manat və mobil telefonunun talandığını bildirib.

Keçirilən tədbirlərlə əməli törətməkdə şübhəli bilinən, əvvəllər məhkum olunmuş 37 yaşlı Z.Tağıyev müəyyən olunaraq saxlanılıb. Araşdırma zamanı Z.Tağıyevin zərərçəkəndən əvvəlcə borc pul istədiyi, sonuncunun bundan imtina etməsindən sonra isə qeyd edilən hadisəni törətdiyi məlum olub.

Mənbə: https://sonxeber.az/387207/borc-istediyi-tanisini-sonradan-talamaqda-subheli-bilinen-sexs-saxlanilib