Depressiyanın müalicəsində çox insanın yol verdiyi TƏHLÜKƏLİ SƏHV

Rusiyalı psixiatr Yelena Kunakovskaya depressiyanı müalicə edərkən insanların etdiyi ümumi bir səhvdən çəkinməyi tövsiyə edib.

Oxu.Az xəbər verir ki, bu barədə news.ru məlumat yayıb.

Həkim antidepressant dərmanların qəfil dayandırılmasının qarşısını almaq barədə xəbərdarlıq edib:

“Bu cür dərmanların dayandırılması yalnız mütəxəssis nəzarəti altında aparılmalıdır. Xüsusən bəzi müasir dərmanlardan qəfil imtina ağır abstinensiya simptomlarına səbəb ola bilər: başgicəllənmə, ürəkbulanma və daha ağır halda qəfil depressiyanın qayıtması”.

Psixiatr əlavə edib ki, dərman dozası tədricən azaldılmalıdır. Bu proses bir neçə həftədən bir neçə aya qədər davam edə bilər.

Mənbə: https://sonxeber.az/385772/depressiyanin-mualicesinde-cox-insanin-yol-verdiyi-tehlukeli-sehv