“Qarabağ” bir gündə 2 oyun keçirəcək

“Qarabağ” komandasının növbəti yoxlama oyunlarının başlama saatı açıqlanıb.

BAKU.WS xəbər verir ki, bu barədə hazırkı ölkə çempionu məlumat yayıb.

Qurban Qurbanovun baş məşqçisi olduğu kollektiv yanvarın 16-da iki matça çıxacaq.

İlk rəqib Xorvatiya təmsilçisi “Osiyek” olacaq. “Köhlən atlar” ardınca Polşanın “Zaqlebye” klubu ilə üz-üzə gələcək.

Birinci qarşılaşma saat 12:00-da, ikinci görüş isə 19:00-da start götürəcək.

Qeyd edək ki, “Qarabağ” ilk yoxlama matçında Özbəkistan təmsilçisi “Neftçi”ni beş cavabsız qolla üstələyib.

Mənbə: https://sonxeber.az/385253/qarabag-bir-gunde-2-oyun-kecirecek