“Çelsi”nin futbolçusu “Napoli”yə keçə bilər

İngiltərənin “Çelsi” klubunun futbolçusu Rahim Sterlinq İtaliya təmsilçisi “Napoli”yə keçə bilər.

“Report” xəbər verir ki, bu barədə “Corriere dello Sport” məlumat yayıb.

“Zadəganlar” 30 yaşlı vingerin müqaviləsini ləğv etməyi planlaşdırır. R.Sterlinq London komandasında forma şansı əldə edə bilmədiyi üçün ayrılmaq niyyətindədir. İngiltərəli oyunçu yeni baş məşqçi Liam Rosenyorun da planlarına daxil deyil.

Qeyd edək ki, Rahim Sterlinq cari mövsüm “Çelsi”də oyuna çıxmayıb.

Mənbə: https://sonxeber.az/385068/celsinin-futbolcusu-napoliye-kece-biler