Dunyada
Pentaqon rəhbəri Venesuelada genişmiqyaslı əməliyyatın keçiriləcəyini istisna etməyib
ABŞ-nin müdafiə naziri Pit Heqset Venesuelada genişmiqyaslı əməliyyatın keçiriləcəyini istisna etməyib.
“Report” xəbər verir ki, o, bu barədə “CBS” telekanalına müsahibəsində bildirib.
ABŞ-nin Venesuelanı necə idarə etməyi planlaşdırdığı ilə bağlı suala Heqset deyib: “Vaşinqton qaydaları təyin edəcək. Nəticədə, biz bundan sonra nə baş verəcəyini idarə edəcəyik”.
Bu, ABŞ-nin Venesuelada genişmiqyaslı əməliyyata başlaya biləcəyi anlamına gəlirmi sualına Pentaqon rəhbəri “ordunun hazır olduğunu” bildirib.
