Suriyada “Əl-Tərəmix” silahlı qruplaşmasının lideri saxlanıldı

13 Less than a minute

Suriyanın Tartus əyaləti yaxınlığındakı Safita şəhərində Daxili Təhlükəsizlik İdarəsi terrorizmlə mübarizə üzrə yerli bölmə ilə birlikdə əməliyyat keçiriblər. Əməliyyat zamanı “Əl-Tərəmix” silahlı qruplaşması ilə əlaqəli olan fraksiyanın rəhbəri Şudjaa İbrahim saxlanılıb.

Oxu.Az-ın xəbərinə görə, bu barədə Suriya Daxili İşlər Nazirliyindən məlumat verilib.

Suriyada Əl-Tərəmix silahlı qruplaşmasının lideri saxlanıldı

Məlumata görə, qruplaşmanın əvvəlki rejim dövründə Süheyl Həsənin rəhbərlik etdiyi 25-ci Diviziya ilə əlaqələri olub. İlkin araşdırma göstərib ki, İbrahim Xitab şəhərində (Hama əyaləti) yüksək vəzifə tutub və vəzifəsindən yerli əhaliyə qarşı cinayətkar fəaliyyətlərin təşkil edilməsi, koordinasiyası üçün istifadə edib.

Saxlanılan şəxs zəruri istintaq hərəkətlərinin aparılması və sonradan səlahiyyətli məhkəmə orqanlarına göndərilməsi üçün Terrorizmlə Mübarizə İdarəsinə təhvil verilib.

Mənbə: https://sonxeber.az/384334/suriyada-el-teremix-silahli-qruplasmasinin-lideri-saxlanildi

13 Less than a minute