Əməkdar artist müdir təyin olundu (FOTO)

Azərbaycan Dövlət Milli Gənc Tamaşaçılar Teatrında yeni təyinat olub.

Sonxeber.az Oxu.Az-a istinadən xəbər verir ki, rejissor Əməkdar artist Nicat Kazımov çalışdığı teatrın yaradıcılıq şöbəsinin müdiri vəzifəsinə təyin olunub.

Məlumatı Oxu.Az-a açıqlamasında Nicat Kazımov təsdiqləyib.

O qeyd edib ki, bu vəzifəyə bir-neçə gündür təyin olunub.

“Görmək istədiyim işlərlə bağlı nəsə demək hələ çox tezdir. Bilmirəm nə olacaq, nə olmayacaq. Bir az imkan verin, gələn il bu barədə danışarıq”, – deyə N.Kazımov bildirib.

Mənbə: https://sonxeber.az/389446/emekdar-artist-mudir-teyin-olundu-foto