Sosial şəbəkələrdə maraqlı və səmimi görüntüləri ilə tanınan kontent istehsalçısı Cihan Çelikin yeni videosu qısa zamanda böyük marağa səbəb olub. Təbiət qoynunda çəkilən və yanında eşşəklə yer aldığı görüntülər milyonlarla istifadəçi tərəfindən izlənilib və bəyənilib.
Sonxeber.az xəbər verir ki, video 1 milyondan çox “like” toplayıb, minlərlə şərh və paylaşım əldə edib. Maraqlı məqam isə platformanın rəsmi Instagram səhifəsinin də bu paylaşıma diqqət yetirməsi olub.
Sosial media istifadəçiləri görüntülərin səmimiliyini və təbii atmosferini xüsusi vurğulayıblar. Qeyd edək ki, son dövrlər heyvanlarla çəkilən pozitiv məzmunlu videolar platformada daha çox izlənmə qazanır və geniş auditoriyaya çatır.
